Na xuntanza atoparanse as novas xeracións de conselleiros, executivos e accionistas das compañías familiares españolas que non puideron reunirse no 2021 debido a pandemia. Trátase dun espazo para o coñecemento mutuo e o intercambio de experiencias empresariais e persoais entre os futuros líderes das compañías.

O encontro incluirá visitas e intervencións formativas de empresas familiares galegas e os seus empresarios, co obxectivo de crear un espazo de actividades arredor da empresa familiar, expandir o coñecemento dos xoves empresarios sobre os retos da xestión ou a transición xeracional, fomentar a implicación dos membros da familia na empresa ou compartir os valores das compañías de propiedade familiar.