10 de abril 2024. Más de 20 mozos membros de empresas familiares galegas reuníronse en Ourense para participar no encontro A expansión da empresa familiar organizado polo Fórum Familiar Gallego. A xornada tivo como obxectivo o intercambio de ideas e experiencias empresariais entre as novas xeracións de empresarios.

A actividade comezou pola mañá cunha visita ás instalacións de Sociedade Téxtil Lonia, destacada compañía téxtil de Ourense. Os participantes exploraron as oficinas e os talleres onde confeccionan as pezas e complementos de vestir. A visita permitiu aos asistentes coñecer de primeira man as orixes e a traxectoria da icónica compañía de moda galega.

Os novos empresarios estableceron un xantar-coloquio no que tiveron a oportunidade de conversar con Darío Grimalt, conselleiro delegado de Ale-Hop e presidente do Fórum da Asociación Valenciana de Empresas Familiares; e con Julio Iglesias, conselleiro delegado do Grupo Revi. Os asistentes debateron sobre as orixes das empresas, os seus procesos de expansión e os desafíos actuais.

O Fórum Xoves está integrado polos representantes máis novos das empresas familiares pertencentes á Asociación Galega da Empresa Familiar. A xornada permite ás novas xeracións de empresarios forxar novos lazos de colaboración para continuar fortalecendo o legado das súas empresas familiares na rexión. O Fórum Xoves de Galicia está presidido por Antón Fonseca, directivo da adega Terras Gauda.

 IMAXE: Mozos membros das empresas familiares galegas durante o xantar-coloquio. FOTO: Agef